မြန်မာပြည်ကတရုတ်တွေယုံကြည်နေတဲ့ ရေမျောရှင်ဥပ္ပဂုတ်သမိုင်း

                                                                                                       တရုတ်ရှင်ဥပ္ပဂုတ်၏ ကိုးကွယ်ယုံကြည်မှုသမိုင်း

           ယခုလဟာ တရုတ်ပြက္ခဒိန်အရ ၉လပိုင်းဖြစ်ပြီး၊ တရုတ်တောက်ဝါဒအရနေမင်းကို ကိုးကွယ်တဲ့ ပွဲတော်နဲ့ တရုတ်ရှင်ဥပ္ပဂုတ်ခေါ်ဝေါ်သမုတ်တဲ့မြစ်ရေစောင့်နတ်ကို ကိုးကွယ်တဲ့လလည်းဖြစ်ပါတယ်။

တရုတ်ရှင်ဥပ္ပဂုတ်ဟု မြန်မာပြည်၌သာခေါ်ဝေါ်သမုတ်ကြပြီး အခြားနိုင်ငံ တောက်ဝါဒကို ကိုးကွယ်ယုံကြည်မှု၌ ဤသို့မခေါ်သွင်ခဲ့တာကို စာရေးသူ ရှေးနှစ်တွေက သတိထားခဲ့မိပါတယ်။

ရှင်ဥပ္ပဂုတ်သမိုင်းထိုသို့မဆင်းသက်လာတာကို တချိန်တည်းမှာ သတိပြုခဲ့ပါတယ်။ အကြောင်းတော့လွဲမှာသေချာတယ်လို ဆုံးဖြတ်ခဲ့ဘူးပါတယ်။

         တရုတ်ရှင်ဥပ္ပဂုတ်လို့ခေါ်ဝေါ်နေတဲ့ ၄င်းနတ်မင်းရဲ့ တရုတ်အမည် အရင်းကတော့ န၀ရာဇာ နတ်ဟုဖြစ်ပြီး၊ ဤနတ်၏ကိုးကွယ်မှုသည် ယခုခေတ်အခါ တရုတ်၊ ထိုင်ဝမ် နှင့် ဟောင်ကောင်နိုင်ငံတို့၌ထွန်းကားမှုမရှိတော့ပဲ၊ မြန်မာ၊ ယိုးဒယား၊ မလေးရှား တရုတ်ဖူကျန်လူမျိုးတွေကတော့ ဆက်လက်ကိုးကွယ်ယုံကြည်ကြနေဆဲဖြစ်ပါတယ်။

န၀ရာဇာနတ်ကို ဘာကြောင့်ကိုးကွယ်ရပါသလဲ။ ထိုနတ်၏သမိုင်းကဘယ်လိုပါလဲ။ ဆိုတာကိုတော့ကိုးကွယ်ယုံကြည်ကြသူတိုင်းမသိခဲ့ရချေ။ ဥာဏ၀ိပ္ပယုတ် ခေါ်

ကိုးကွယ်ယုံကြည်မှုသက်သက်နဲ့ လုပ်ရိုးလုပ်စဉ်တခုအနေနဲ့ကိုးကွယ်ကြသူ ကပိုများပါတယ်။

(န၀ရာဇာ သမိုင်းအစ)

           တရုတ်လူမျိုးတွေရဲ့ သဘာဝကိုးကွယ်မှုဖြစ်တဲ့ နက္ခကြယ်တာရာကိုးကွယ်မှုမှ ဆင်းသက်လာတယ်လို့ တောက်ဝါဒသမိုင်းအရသိရပါတယ်။ တရုတ်လူမျိုးရဲ့နက္ခဗေဒ အရ ကောင်းကင်၌ခုနှစ်ကြယ်စဉ်မဟုတ်ပဲ န၀ကြယ်စဉ်ရှိပြီး ခုနှစ်စဉ်ကြယ်ကတာ လင်းထိန်မှုရှိပြီး နှစ်စဉ်ကြယ်က မှေးမှိန်းနေပါတယ်။ ၄င်းကြယ်စဉ်ကို အုပ်ချုပ်တဲ့နတ်မင်းကြီးဖြစ်တဲ့အတွက် န၀ရာဇာနတ်မင်းကြီးဟုခေါ်ဝေါ်ရခြင်းဖြစ်ပါတယ်။ ထိုနတ်မင်းကြီး၏ ရာထူးဟာ သိကြားမင်းနတ်ဘုရင်၏ ရာထူးချင်းတူတယ်လို့ တောင် တောက်ဝါဒ တို့တင်စားပြောလေ့ရှိပါတယ်။ ထို့ကြောင့် တရုတ်လို 九皇大帝 ခေါ်နေလျက်ရှိပါတယ်။

            နောက်တခုဝါဒပြောဆိုချက်အရ ရှေးဘုရင်တပါး၏ မိဘုရားခေါင်မှာ ကြာကန်၌ရေချိုးဆင်းလို့ သန္ဓေရပြီး သားကိုးယောက်မွေးလာရာမှ န၀ရာဇာ ဖြစ်တယ်လို့အဆုိုရှိခဲ့ပြန်ပါတယ်။

           

နောက်သမိုင်းအဆိုတခုကတော့ တရုတ်နိုင်ငံ ယွန်ခေတ်အခါက မွန်ဂိုးလူမျိုး နှင့် တရုတ်စစ်သူကြီးတို့စစ်ဖြစ်ခဲ့ရာ ၉ယောက်သောသူဋ္ဌေးသူကြွယ်တို့က တရုတ်စစ်သူကြီး ဇွန်ယွမ်ချန်ကိုထောက်ပံ့ကြေးငွေ ပေးရာမှ မွန်ဂိုးဘုရင်က ၉ယောက်သောသူဋ္ဌေးတို့ကိုဖမ်းစေ ဟုအမိန့်ထုတ်ပြန်လိုက်ပါတယ်။ သူဋ္ဌေးတွေကိုကာကွယ်စောင့်ရှောက်ဖို့နည်းလမ်း ရှာနေရာမှ တရုတ်ဖူကျန်လူမျိုးရဲ့အကြံပေးချက်အရ မွန်ဂိုလူမျိုးတွေက အသုဘကိုမနှစ်သက်ဘူး။ ထို့ကြောင့်သူဋ္ဌေးကိုးယောက်ကိုကာကွယ်ပေးတဲ့အနေနဲ့ အင်္ကျီအဖြူ တွေဝတ်ကာ အသုဘပြုလုပ်ယောင်ဆောင်ခဲ့ရာမှ အခု န၀ရာဇာ ကိုးကွယ်မှု၌ အင်္ကျီ အဖြူဝတ်လေ့ရှိလာခဲ့ပါတယ်။

           နောက်တခုသမိုင်းအရ န၀ရာဇာနတ်က အမှန်တော့မြစ်စောင့်တဲ့မကျွတ်တဲ့သရဲလို့ဖြစ် ပြီး မြစ်ကမ်းပါး၌ လူတွေကိုကယ်လေ့ရှိရာမှ ဘ၀ပြောင်းဖို့မေ့ခဲ့ရပါတယ်။ ၄င်း၏ မေတ္တာစိတ်ကို သိကြားမင်းသိခဲ့ပြီးရာမှ သရဲဘ၀ မှ နတ်ဘ၀သို့ ရာထူးတိုးမြှင့်ပေးလိုက်ပါတယ်။ ဒါကြောင့် ၄င်းပွဲတော်၌ ရေမျောတဲ့ဓလေ့လုပ်လာခဲ့ကြပါတယ်။

           အခုအခါ မြန်မာနိုင်ငံရန်ကုန်ံတရုတ်တန်း လမ်း၂၀၊ စဉ့်အိုးတန်းလမ်းမှာ ပြုလုပ်တဲ့န၀ရာဇာကိုးကွယ်မှုကတော့ ၀ါဒပေါင်းစုံကို အစုံနယ်တဲ့နည်းနဲ့သာပြုလုပ်ကြပါတယ်။ ထို့အတူ မလေး၊ ယိုးဒယားနိုင်ငံတွေမှာလည်း ထိုနည်းလည်းကောင်းပါပဲ။

          ထိုကိုးကွယ်မှုဟာရိုးရာဖြစ်တဲ့အလျှောက် ဥာဏ်မယှဉ်တဲ့ကိုးကွယ်မှုလို့ဆိုနိုင်သော်လည်း၊ ထိုကိုးကွယ်မှုဟာ အပြစ်တခုတော့မဟုတ်ပါဘူး။ နိဗ္ဗာန်သွားရာလမ်းစဉ်နဲ့မဆိုင်သော ကိုးကွယ်မှုဖြစ်တည့်အတွက် စာဖတ်ပရိသတ်အပေါင်းခင်ဗျား …စစ်မှန်တဲ့ထေရ၀ါဒကို ထိန်းသိမ်းစောင့်ရှောက်ကြလိုသူတိုင်း ကိုးကွယ်ယုံကြည်မှုမရောနှောစေခြင်းငှာ ဤမှတ်စု ကို တရုတ်ဘာသာမှ ကျွန်တော်ကိုကျော်ထင်ပြန်ဆိုလိုက်ပါတယ်ခင်ဗျား။ အားလုံးပဲ နိဗ္ဗာန်ကိုတာ ဦးတည်နိုင်ပါစေလို့ဆုတောင်းရင်း ဤမှတ်စုစာအုပ်ကိုနိဂုံးချုပ်လိုက်ပါတော့သည်။

ကိုကျော်ထင်မှတ်စု 2013.10.14。